فرمان الہی
نماز کے اوقات
آرمی چیف جنرل قمر جاوید باجوہ اور بل گیٹس کے درمیان ٹیلیفونک رابطہ ہوا ہے، جس میں انسداد پولیو کے لئے پاکستان کے عزم اور کورونا کے امور پر تبادلہ خیال کیا گیا۔
آرمی چیف کا کہنا ہے کہ انسداد پولیو قومی مقصد اور قومی کوشش ہے، پاکستان میں جب کوئی ایک بھی بچہ پولیو سے متاثر نہیں ہوگا تو اسے کامیابی کہیں گے۔
جنرل قمر جاوید باجوہ نے کہا کہ انسداد پولیو کیلئے پولیو ٹیمز، قانون نافذ کرنے والے اداروں سمیت سب کی کوششیں کار فرما ہیں۔
آئی ایس پی آر کا کہنا ہے کہ بل گیٹس نے پولیو کے سدباب کی مہم میں پاک فوج کے تعاون کو سراہا۔
آرمی چیف نے دنیا سے انسداد پولیو کیلئے بل گیٹس اور ان کی فاؤنڈیشن کی کاوشوں کی تعریف کی۔
