فرمان الہی
نماز کے اوقات
مسلم لیگ نون پنجاب کی ترجمان عظمی بخاری کا کہنا ہے کہ رنگ روڈ، آٹا چینی چوری کیخلاف وزیراعظم ،وزیراعلیٰ ہاؤس میں چھاپے مارے گئے، وزیر داخلہ شیخ رشید نے بھی بہتی گنگا میں ہاتھ دھوئے۔
پنجاب اسمبلی کے باہر میڈیا سے گفتگو کرتے ہوئے مسلم لیگ نون پنجاب کی ترجمان عظمی بخاری نے کہا کہ وہ یوم تکبیر پر قوم کو مبارکباد پیش کرتی ہیں۔
عظمی بخاری نے اس موقع پر حکومت پر تنقید کرتے ہوئے کہا کہ آج معیشت کے غلط اعداد و شمار دیئے جا رہے ہیں، نون لیگ نے بجلی کے منصوبے شروع کیے جو ترقی کے ضامن ہیں۔
لیگی رہنما کا کہنا تھا کہ ہمارے رکن میاں نوید کے خلاف بے بنیاد مقدمہ درج کیا گیا، اُن کے ساتھ گزشتہ رات بدترین سلوک کیا گیا۔
عظمی بخاری نے کہا کہ اسسٹنٹ کمشنر(اے سی) کے ساتھ بدتمیزی پر فردوس باجی کے خلاف کارروائی کیوں نہیں کی جاتی۔
