نواز، مریم، صفدر کی اپیلوں پر سماعت کا حکم نامہ جاری

اسلام آباد ہائی کورٹ نے مسلم لیگ نون کے قائد اور سابق وزیرِ اعظم میاں نواز شریف، ان کی صاحبزادی مریم نواز اور داماد کیپٹن ریٹائرڈ صفدر کی سزا کے خلاف اپیلوں پر سماعت کا حکم نامہ جاری کر دیا۔

اسلام آباد ہائی کورٹ کے جسٹس عامر فاروق اور جسٹس محسن اختر کیانی نے حکم نامہ جاری کیا۔

کمرہ عدالت میں موجود ایڈووکیٹ اعظم نذیر تارڑ عدالتی ہدایت پر روسٹرم پر آئے۔

کیپٹن صفدر کی درخواستِ ضمانت سماعت کیلئے مقرر

لاہور ہائی کورٹ نے آمدن سے زائد اثاثوں کے کیس میں سابق وزیرِ اعظم میاں نواز شریف کے داماد اور نون لیگی رہنما کیپٹن ریٹائرڈ محمد صفدر کی عبوری ضمانت کی درخواست سماعت کے لیے مقرر کر دی۔

اسلام آباد ہائی کورٹ نے اپنے حکم نامے میں کہا کہ عدالت نے نواز شریف کے اشتہاری ہونے کے بعد ان کی اپیلوں سے متعلق پوچھا، عدالت نے پوچھا کہ نواز شریف کی عدم موجودگی میں اپیلیں کیسے آگے بڑھائی جائیں، اعظم نذیر تارڑ نے ابتدائی طور پر 2 قسم کے دلائل عدالت کے سامنے رکھے۔

عدالتِ عالیہ نے حکم نامے میں کہا کہ اعظم نذیر نے استدعا کی کہ نواز شریف کی اپیل عدم پیروی پر یا مسترد یا التواء میں رکھی جائے، اعظم نذیر نے کہا کہ مستقبل میں نواز شریف سرنڈر کرنے کے بعد اپنی اپیل بحال کرا سکتے ہیں، اعظم نذیر نے عدالتی مثالیں پیش کرنے کے لیے عدالت سے وقت مانگا ہے۔

اسلام آباد ہائی کورٹ نے حکم نامے میں مزید کہا کہ ایڈیشنل پراسیکیوٹر جنرل نیب نے کہا کہ نواز شریف کی اپیل مسترد کی جائے، نیب نے دلائل میں کہا کہ نواز شریف کی اپیل میرٹ پر مسترد کی جائے۔

نواز، مریم، صفدر کی اپیلیں سماعت کیلئے مقرر

اسلام آباد ہائی کورٹ نے العزیزیہ ریفرنس، ایون فیلڈ ریفرنس اور فلیگ شپ ریفرنس میں سابق وزیرِ اعظم میاں نواز شریف، ان کی صاحبزادی مریم نواز اور داماد کیپٹن ریٹائرڈ محمد صفدر کی اپیلیں 25 مئی کو سماعت کے لیے مقرر کر لیں۔

عدالتِ عالیہ نے نیب پراسیکیوٹر کی عدالتی نظیروں کو مدِنظر رکھ کر عدالتی معاونت کے لیے مہلت کی استدعا منظور کر لی۔

نواز شریف، مریم نواز اور کیپٹن ریٹائرڈ صفدر کی اپیلوں پر سماعت 9 جون کو ہو گی۔