ایک کمرے میں محدود رہنا ذہنی طور پر تھکا دیتا ہے، شاداب خان

04 جون ، 2021

پاکستان سپر لیگ کی ٹیم اسلام آباد یونائیٹڈ کے کپتان شاداب خان کا کہنا ہے کہ ایک کمرے میں محدود رہنا ذہنی طور پر تھکا دیتا ہے، گرم موسم کو بہانہ نہیں بنائیں گے، پروفیشنل کرکٹرز ہیں۔

جیونیوز سے گفتگو کے دوران شاداب خان نے کہا کہ ٹیم کامبی نیشن اچھا بنا ہوا ہے، پہلا میچ جیت کر آغاز کرنا چاہتے ہیں۔

شاداب خان نے کہا کہ کافی میچز انجری کی وجہ سے مس کیے، میری بولنگ متاثر ہوئی، کوشش ہے کہ بولنگ فارم بحال کروں، یہاں اسپنرز کا کردار اہم ہوگا۔

انہوں نے کہا کہ یو اے ای میں ہمشیہ اچھا پرفارم کیا ہے جس سے اعتماد ملے گا، میں بولنگ آل راؤنڈر تھا اور ہمیشہ بولنگ آل راؤنڈر ہی رہوں گا، انجری کے دوران میری بیٹنگ بہتر ہوئی۔

شاداب خان نے کہا کہ اسلام آباد کے فینز اتنے زیادہ نہیں لیکن یہ سب سے کامیاب ٹیم ہے، امید ہے ہماری کارکردگی سے اسلام آباد یونائٹیڈ کے فینز بڑھیں گے۔

تازہ ترین