سجل علی اور احد رضا میر کی ویب سیریز کی پہلی جھلک سامنے آگئی

احد رضا میر اور سجل علی کی ویب سیریز ‘دھوپ کی دیوار‘ کا پہلا ٹیزر ریلیز کردیا گیا ہے۔

پاکستان کی ہر دلعزیز اداکار جوڑی سجل علی اور احد رضا میر کے مداحوں کا اپنی پسندیدہ جوڑی کو ایک ساتھ اسکرین پر دیکھنے کے لیے کیا گیا انتظار اب بس ختم ہونے کو ہی ہے۔

سجل علی، احد رضا میر کی سیلفیوں کے چرچے

احد رضا میر اور سجل علی کی دوست کی شادی پر کورونا وائرس سے بچاؤ کی مکمل ایس او پیز کے ساتھ شرکت کرنے پر ان کی تعریف کی جارہی ہے

زی فائیو کی جانب سے انسٹاگرام پر شیئر کیے گئے ٹیزر میں لکھا کہ ’کھو دیا ہے اپنی زندگی کا کسی نے ایک حصہ، لکیر کےاِس پار یا اُس پار، یہی ہے قصہ‘

زی فائیو کی جانب سے سوشل میڈیا پلیٹ فارمز پر ریلیز کیے گئے ٹیزر میں سجل علی سفید لباس میں ملبوس سوال کر رہی ہیں۔

سجل علی کہتی ہیں کہ ’ایک چھوٹا سا سوال پوچھنا تھا آپ سے، چلیں پہلے اس کا سیاق و سباق سمجھ لیتے ہیں۔‘

انہوں نے کہا کہ ’میں 19سال کی تھی جب میرے والد بارڈر پر ایک جنگ میں شہید ہوگئے تھے، اب آپ پہچانیں، میں پاکستانی ہوں یا ہندوستانی۔‘

سجل علی فلم میں کام کریں گی، جمائما کی تصدیق

پاکستان شوبز انڈسٹری کی باصلاحیت اداکارہ سجل علی برطانیہ میں بھی اپنی صلاحیتوں کا لوہا منوانے پہنچ چکی ہیں، سجل برطانوی پروڈیوسر جمائما گولڈ اسمتھ کی فلم میں انٹری دینے کو تیار ہیں۔

واضح رہے کہ سجل علی اور احد رضا میر کی سیریز ’دھوپ کی دیوار‘ کو معروف مصنفہ و اسکرپٹ رائٹر عمیرہ احمد نے لکھا ہے جبکہ اس ڈرامے کے ہدایتکار حسیب حسن ہیں۔