• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی اور حیدر آباد میں کورونا کیسز کم نہ ہو سکے

تازہ ترین
قومی خبریں
06 جون ، 2021


کورونا وائرس سے سندھ میں اب تک 5 ہزار سے زائد افراد جان کی بازی ہار چکے ہیں، سندھ حکومت اور انتظامی مشینری کے استعمال کے باوجود کراچی اور حیدر آباد میں کورونا وائرس کے کیسز کم ہونے کا نام نہیں لے رہے۔

سندھ حکومت نے کراچی اور حیدرآباد میں کورونا وائرس کے پھیلاؤ کو روکنے کے لیے ایس او پیز پر سختی سے عمل درآمد کرانے میں کوئی کسر نہیں چھوڑی ہے۔

پاکستان: کورونا سے مزید 76 اموات، کل ہلاکتیں 21265

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 1 ہزار 629 کیسز سامنے آئے ہیں، مزید 76 افراد اس موذی وباء کے سامنے زندگی کی بازی ہار گئے، مزید 2 ہزار 726 مریض شفایاب ہو گئے، جبکہ مثبت کیسز آنے کی شرح تقریباً 3 فیصد رہی۔

دکانیں اور صنعتیں بند کی جا رہی ہیں تو وہیں لاکھوں اور کروڑوں روپے جرمانوں کی شکل میں وصول کیئے جا رہے ہیں، لیکن کورونا وائرس کے کیسز میں اضافہ رکنے کا نام نہیں لے رہا۔

محکمہ صحت کی رپورٹ کے مطابق گزشتہ 1 ہفتے کے دوران صرف حیدرآباد میں 5 ہزار 302 افراد کے کورونا وائرس کے ٹیسٹ کیئے گئے جن میں سے 436 نئے کیسز سامنے آ گئے۔

سندھ میں اسکول کل سے نہیں کھول رہے: سعید غنی

سندھ کے وزیرِ تعلیم سعید غنی کا کہنا ہے کہ صوبے میں اسکول کل (پیر 7 جون) سے نہیں کھلیں گے، سندھ میں تمام تعلیمی ادارے تاحکم ثانی بند کیئے تھے۔

مجموعی طور پر اب تک 18 ہزار 531 حیدرآباد کے شہری کو رونا کا شکار ہوئے ہیں، جبکہ صرف 1 ماہ میں 80 افراد اور مجموعی طورپر 413 افراد جان کی بازی ہار بیٹھے ہیں۔

کراچی اور حیدرآباد میں ایس او پیز پرعمل کرانے کے ساتھ اندرونِ سندھ سنجیدگی کے ساتھ ایس او پیز پر عمل کرانا ہو گا، کیونکہ دیہی اور شہری علاقوں میں نقل و حرکت کورونا کے کیسز میں اضافے کا سبب ہے۔

تازہ ترین