فرمان الہی
نماز کے اوقات
پیرس (جنگ نیوز) سابق نمبر ایک اور آٹھویں سیڈ سوئٹزرلینڈر کے راجر فیڈرر نے دوسرے گرینڈ سلم فرنچ اوپن کے تیسرے رائونڈ میں جرمنی کے ڈومینک کاپفیر کو سخت مقابلے میں شکست دے کر پری کوارٹر فائنل میں رسائی حاصل کی لیکن اس کے ساتھ ہی میگا ایونٹ سے دستبردار ہوگئے۔اتوار کو ایک اور اپ سیٹ میچ میں امریکا کی سیرینا ولیمز کو قازقستان کی21ویں سیڈ الینا ریباکینا کے ہراکر گھر بھیج دیا۔فیڈرر نے ہفتے کی شب چار سیٹ کی سخت محنت کے بعد کامیابی حاصل کی تاہم اتوار کو ایونٹ سے دستبرداری کا اعلان کرکے دنیا کو حیران کردیا۔ فیڈرر نے کہاکہ وہ 28جون سے شروع ہونے والے ومبلڈن کے لئے خود کو محفوظ رکھنا چاہتے ہیں۔مینز سنگلز میں اسٹیفانو سٹسپاس نے ہسپانوی حریف پابلو کرینو بسٹا کو زیر کرکے کوارٹر فائنل میں جگہ بنائی۔خواتین سنگلز میںوکٹوریا آزارینکا چوتھے رائونڈ میں ٹورنامنٹ سے باہر ہوگئی۔انہیں روسی کی انستاسیا پائولچنکووا نے مات دی۔ جبکہ اسپین کی پائولا بادوسا نے مرکیٹا وینڈروسوا کو ہرا کرلاسٹ ایٹ مرحلے میں جگہ بنائی۔
