دلیپ کمار کی سرجری کامیاب، کل اسپتال سے ڈسچارج کیے جانے کا امکان

بھارت کے لیجنڈری اداکار دلیپ کمار کی سرجری کامیاب ہوگئی جبکہ انھیں کل اسپتال سے ڈسچارج کیے جانے کا بھی امکان ہے۔ 

دلیپ کمار کے ٹوئٹر اکاؤنٹ سے فیصل فاروقی نے ان کی صحت سے متعلق اپ ڈیٹ جاری کی۔ 

ان کا کہنا تھا کہ دلیپ کمار کا کامیاب پلیورل اسپیریشن پروسیچر کردیا گیا ہے۔ 

انھوں نے مداحوں سے دلیپ کمار کی صحت یابی کے لیے دعا کرنے پر مداحوں کا شکریہ بھی ادا کیا۔ 

خیال رہے کہ چند روز قبل سانس میں دشواری کی وجہ سے دلیپ کمار کو اسپتال میں داخل کروایا گیا تھا۔ 

اس حوالے اس نے موت کی افواہ بھی زیر گردش کرتی رہی، تاہم اہلیہ سائرہ بانو نے ان افواہوں کی تردید کرتے ہوئے کہا کہ ان کے شوہر بالکل ٹھیک ہیں اور وہ جلد اسپتال سے ڈسچارج بھی ہوجائیں گے۔

دھرمیندر کی پرستاروں سے دلیپ کمار کی صحتیابی کے لیے دعا کی درخواست

بالی ووڈ کے سینئر اداکار، ماضی کے ہیرو اور دلیپ کمار کے ہم عصر دھر میندرا نے برصغیر پاک و ہند کے عہد ساز اداکار دلیپ کمار کی فوری صحت یابی کے لیے پرستاروں سے دعا کرنے کو کہا ہے۔

ان کے ڈاکٹر جلیل پارکر نے کہا تھا کہ ’دلیپ کمار کو اب سانس لینے میں دشواری بھی نہیں ہورہی لیکن احتیاط کےطور پر ابھی بھی اداکار کو آکسیجن سپورٹ دی جارہی ہے۔‘