فرمان الہی
نماز کے اوقات
گلگت بلتستان کے ضلع دیامر میں ضلعی انتظامیہ نے شاہراہِ بابوسر ناران کو صبح 4 بجے سے شام 6 بجے تک چھوٹی گاڑیوں کے لیے کھولنے کا نوٹیفیکیشن جاری کر دیا، سیاحوں نے اس فیصلے پر احتجاج کیا ہے۔
نوٹی فکیشن کے مطابق اس دوران کوسٹرز، بسیں اور ٹرک شاہراہِ بابوسر ناران کا استعمال نہیں کر سکیں گی۔
بڑی گاڑیاں شاہراہِ بابوسر ناران کے بجائے صرف شاہراہِ قراقرم کا استعمال کر سکیں گی۔
ضلعی انتظامیہ کے اس فیصلے پر سیاحوں نے چلاس زیرو پوائنٹ پر احتجاج کیا اور ضلعی انتظامیہ سے مطالبہ کیا ہے کہ فوری طور پر بابوسر ناران شاہراہ کو بڑی گاڑیوں کے لیے کھولا جائے ۔
