میرا پراپرٹی کیس، مرکزی ملزم نے عبوری ضمانت کروالی

اداکارہ میرا کی پراپرٹی کے کیس کے مرکزی ملزم شاہد محمود نے عبوری ضمانت حاصل کرلی۔

پولیس کے مطابق ملزم نے میرا کی بہن کے اکاؤنٹ میں ایک لاکھ 60 ہزار پاؤنڈ جمع کرانے تھے۔

لاہور پولیس کاکہنا ہے کہ ملزم شاہد پر الزام ہے کہ اس نے دھوکے سے گھر اپنے نام کرایا لیکن رقم نہ دی۔

مجھے مارنے کی دھمکیاں مل رہی ہیں: اداکارہ میرا

اداکارہ میرا نے کہا ہے کہ پولیس نے ان کی جائیداد پر قبضہ ناکام بنا دیا ہے لیکن مرکزی ملزم انہیں اور ان کی فیملی کو جان سے مارنے کی دھمکیاں دے رہا ہے۔

واضح رہے کہ گزشتہ روز اداکارہ میرا نے اپنے ایک بیان میں کہا تھا کہ پولیس نے ان کی جائیداد پر قبضہ ناکام بنا دیا ہے لیکن مرکزی ملزم انہیں اور ان کی فیملی کو جان سے مارنے کی دھمکیاں دے رہا ہے۔

دوسری جانب مرکزی ملزم میاں شاہد محمود نے مقدمات درج ہونے کے بعد ایک ویڈیو بیان جاری کیا تھا جس میں کہا تھا کہ وہ اوورسیز پاکستانی ہیں اور میرا نے ان سے فراڈ کیا ہے۔