لاہور (نمائندہ جنگ) انٹرنیشنل اسکواش چیمپئن شپ کا فائنل آج فرحان محبوب اور وقار محبوب کے درمیان ہوگا۔ تقریب میں خصوصی شرکت کیلئے عظیم اسکواش کے کھلاڑی جہانگیر خان کراچی سے لاہور پہنچ چکے ہیں۔ پنجاب اسکواش کمپلیکس میں دونوں سیمی فائنلز میں دلچسپ مقابلے ہوئے۔ پہلے سیمی فائنل میں اسرار احمد نے فرحان محبوب کا مقابلہ تو ڈٹ کر کیا مگر فیورٹ فرحان محبوب نے شاندار کھیل پیش کرتے ہوئے اسرار احمد کی ایک نہ چلنے دی اور میچ جیت لیا۔ فرحان محبوب نے31 منٹ میں-3 11-5، 12-10، 11 سے ہرایا۔ دوسرے میچ میں وقار محبوب نے بھی عماد فرید کو تگنی کا ناچ نچادیا ۔پہلے دوسرے سیٹ میں عماد فرید نے قدرے بہتر کھیل کا مظاہرہ کیامگر وقار محبوب نے بہت عمدہ اسکواش کھیلی۔ وقار محبوب نے عماد فرید کو 11-7، 11-9، 11-5 سے ہراکرفائنل کیلئے کوالیفائی کیا۔
فرمان الہی
نماز کے اوقات
