ٹنڈوجام (نامہ نگار) کراچی یونیورسٹی کے زیراہتمام ایچ ای سی کے تعاون سے کراچی میں کھیلے جانے والی چیمپئن شپ میں زرعی یونیورسٹی کی ٹیم نے دوسری پوزیشن حاصل کی،ٹیم کی بہترین کارکردگی پر وائس چانسلر ڈاکٹر مجیب الدین صحرائی میمن نے کیش پرائز ٹیم میں تقسیم کرتے وقت کھلاڑیوں کو اپنے خطاب میں کارکردگی مزید بہتر بنانے کی تلقین کی۔ اس موقع پر ڈائریکٹر اسپورٹس انوار خانزادہ، چیئرمین اسپورٹس مینجمنٹ کمیٹی ڈاکٹر مقصود انور رستمانی، ڈپٹی ڈائریکٹر اسپورٹس شوکت علی سانگی بھی موجود تھے۔ وائس چانسلر نے کھیلوں کے فروغ اور بہتری کے لئے اپنے مکمل تعاون کا یقین دلایا۔ سندہ زرعی یونیورسٹی ٹنڈوجام کے محمد فراز، زاہد مستوئی اور بسم اﷲنور نے سلور جبکہ ارسلان مسیح، غلام مصطفیٰ، تحسین احمد اور حسن نے برونز میڈل حاصل کئے۔
فرمان الہی
نماز کے اوقات
