• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، 21دستکاری اور 3بزنس سنٹر بند ، سینکڑوں ملازمین بےروزگار

میرا شہر
پشاور
01 جولائی ، 2021
پشاور (لیڈی رپورٹر)ایمپلائز یونین سمال انڈسٹریز ڈویلپمنٹ بورڈ کے صدر صاحبزادہ نسیم خان نے کہا ہے کہ وفاقی حکومت اور صوبائی حکومت کے قول فعل میں تضاد ہے وزیر اعظم عمران خان بے روزگاری کو ختم کرنے کیلئے نوجوانوں کو قرضے اور ٹکنیکل اداروں کا قیام عمل میں لارہے ہیں اور دوسری طرف صوبائی حکومت بیوروکریسی کے ایماء پر سمال انڈسٹریز ڈولپمنٹ بورڈ پاور کے زیر اانتظام یکم جولائی سے وہ منصوبہ ایک بار پھر بند کرارہی ہے جس کا براہ راست تعلق عورتوں کی بھلائی اور ترقی ہے آج یکم جولائی سے ان 21دستکاری اور 3بزنس سنٹروں کو بند کیا جا رہا ہے جہاں ہنر سیکھائے جاتے ہیں جو افسوس ناک ہے پشاور پریس کلب میں ایمپلائز یونین سمال انڈسٹریز ڈویلپمنٹ بورڈ کے صدر صاحبزادہ نسیم نے بے روزگار ہونیوالے ملازمین کے ہمراہ پریس کانفرنس کرتے ہوئے کہا کہ ہنر سکھانے والے منصوبہ کو بند کیا جا رہا ہے جس سے خواتین بے روزگار ہو جائے گی انہوں نے کہا کہ خواتین کی ترقی کیلئے یہ منصوبہ 1985سے وقت فوقتا چلا آرہا ہے تاہم ان ملازمین کو مستقل کرنے کے بجائے عارضی بنیادوں پر اس منصوبے کو چلایا جا رہا تھا بہتر ہوتا کہ حکومت فنڈز مخٹص کر کے اس کو مستقل بنیادوںپر چلاتے جبکہ فنڈز موجود بھی ہے ۔انہوں نے کہا کہ اگر فندز نہیں تو حکومت مالی خسارے پر چل رہی ہے تو پھر وزراء پروٹوکول اور دفاتر کے اخراجات پر ماہانہ کروڑوں روپے کدھر سے خرچ کررہے ہیں ۔
تازہ ترین