فرمان الہی
نماز کے اوقات
پاکستان جونئیر ہاکی ٹیم کا تربیتی کیمپ لاہور میں جاری ہے ، کیمپ کے دوران جونئیر ہاکی ٹیم کے کھلاڑی ماہ رواں کے دوسرے ہفتے میں ڈیپارٹمنٹل ٹیموں کے خلاف 6 میچز کھیلیں گے۔
جونئیر ایشیا کپ اور جونئیر عالمی کپ کی تیاریوں کے سلسلے میں پاکستان جونئیر ہاکی ٹیم کے ممکنہ کھلاڑیوں کا تربیتی کیمپ نیشنل ہاکی اسٹیڈیم لاہور میں جاری ہے ۔
ہیڈ کوچ دانش کلیم کا کہنا ہے کہ جونئیر ہاکی ٹیم کو میچز کی ضرورت ہے ، پی ایچ ایف سے میچز کا اہتمام کرنے کی درخواست کی تھی ، 6 میچز واپڈا ، سوئی گیس اور نیشنل بینک کے خلاف کھیلے جائیں گے ۔
ٹیم فزیشن ڈاکٹر اسد عباس نے بتایا کہ لاہور کے سخت گرم موسم میں کھلاڑیوں کی فٹنس کا خاص خیال رکھا جا رہا ہے ۔
واضح رہے کہ کیمپ کے لیے 32 کھلاڑیوں کو مدعو کیا گیا تھا، 9 جولائی کو کھلاڑیوں کو شارٹ لسٹ کر کے 24 کر دیا جائے گا ۔
