• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکیزہ ہستیوں کی شان میں گستاخی کرنیوالوں کیخلاف کارروائی کی جائے ، ٹی این ایف جے

میرا شہر
اسلام آباد
03 جولائی ، 2021
راولپنڈی( خصوصی نمائندہ ) قائدملت جعفریہ آغاسیدحامدعلی شاہ موسوی کی اپیل پر جمعہ کو حضرت امام موسیٰ کاظم اورصحابہ ؓ کی شان میں گستاخیوں کیخلاف راولپنڈی میں پرامن یوم احتجاج منایاگیا ۔ جمعہ کے اجتماعات میں علمائے کرام اورخطباء حضرات نے پاکیزہ ہستیوں کی شان میں مبینہ گستاخیوں کیخلاف سوشل میڈیامہم کی پرزورمذمت کی او رگستاخوں کیخلاف فوری کارروائی اورعبرت ناک سزادینے کامطالبہ کیا۔ پریس کلب لیاقت باغ کے سامنے ریلی کی قیادت ریجنل کنوینرشوکت عباس جعفری ،علامہ ابوالحسن تقی ، علامہ سیدزاہدعباس کاظمی نے کی ۔ شوکت عباس جعفری نے کہاکہ پاکیزہ ہستیوں کی شان میں گستاخی کرنیوالے دہشتگرد اور انسانیت کے دشمن ہیں، انہیں عبرت ناک سزادی جائے۔ ٹی این ایف جے پنجاب کے صوبائی ناظم الامورعلامہ سیدمحسن علی ہمدانی نے حکومت سے مطالبہ کیاکہ وہ گستاخی کے مرتکب عناصر کیخلاف فوری کاروائی کرے ۔ علامہ ابوالحسن تقی کی پیش کردہ قراردادشرکاء احتجاج نے پرزورنعروں کی گونج میں منظورکی ۔ قراردادمیں حکومت سے مطالبہ کیاگیاکہ وہ نیشنل ایکشن پلان کی ہرشق پر عمل کرے۔
تازہ ترین