فرمان الہی
نماز کے اوقات
سندھ اسنوکر کپ کے تیسرے روز ٹاپ سیڈ عبدالستار اور نمبر دو سیڈ آغا بلاول کو شکست کا سامنا کرنا پڑا، تجربہ کار سہیل شہزاد نے مسلسل تیسری فتح اپنے نام کی، ایونٹ کے پری کوارٹر فائنل آج کھیلے جائیں گے ۔
کراچی میں جاری ایونٹ کے تیسرے روز نمبر ون سیڈ عبدالستار کا مقابلہ افتخار خان سے تھا جس میں ٹاپ سیڈ کو ایک کے مقابلے میں چار فریم سے شکست ہوگئی۔
نمبر دو سیڈ آغا بلاول بھی ہار گئے، اُنہیں عمر میمن نے چار ایک کے فریم اسکور سے مات دی تاہم دونوں کیوسٹس شکست کے باوجود پری کوارٹر فائنل میں پہنچنے میں کامیاب رہے۔
تجربہ کار سہیل شہزاد نے مسلسل تیسری فتح حاصل کی، اُنہوں نے محمد رضوان ہاشمی کو آؤٹ کلاس کرتے ہوئے چار صفر سے ہرایا۔
سہیل شہزاد نے میچ میں دو فریم میں 74، 74 کے اور آخری فریم میں 52 کا بریک کھیلا۔
