امریکا نے عجلت میں افغانستان سے فوجی دستے واپس بلائے، ترجمان وزارت خارجہ چین

چین نے کہا ہے کہ امریکا نے افغانستان میں اپنی ذمہ داریاں نظرانداز کیں اور عجلت میں افغانستان سے فوجی دستے واپس بلائے۔

بیجنگ سے جاری بیان میں چینی وزارت خارجہ کے ترجمان کا کہنا تھا کہ امریکا نے اس عمل سےافغان عوام اور خطے کےدیگر ممالک پر ملبہ ڈال دیا۔

عسکری برابری کا حصول، طالبان نے افغان پائلٹوں کی ٹارگٹ کلنگ شروع کردی

حالیہ مہینوں میں کم از کم 7 افغان پائلٹ حدف بنا کر قتل کیے گئے ہیں۔ افغان پائلٹوں کی ٹارگٹ کلنگ عسکری برابری حاصل کرنے کی طالبان کی کوشش کی ایک کڑی ہے۔

 ترجمان نے کہا کہ امریکا افغان مسئلے کا اصل مجرم ہے۔ افغان مسئلے کی ذمہ داری امریکا پر عائد ہوتی ہے۔

دوسری جانب افغان حکام نے کہا ہے کہ گذشتہ روز طالبان کے زیر قبضہ جانے والی دو اہم سرحدی تجارتی گزرگاہوں کو قبضے سے آزاد کروانے کے لیے تازہ دم دستے بھیج رہے ہیں۔

افغان ترکمانستان سرحدی کراسنگ پر طالبان کا قبضہ

افغانستان اور ترکمانستان کی اہم سرحدی کراسنگ پر طالبان کا قبضہ ہوگیا ہے۔ کابل خبر ایجنسی کے مطابق طالبان کے ترجمان ذبیح اللہ مجاہد نے اس حوالے سے کہا کہ ہم نے ترغندی کی سرحدی کراسنگ پر قبضہ کر لیا ہے۔

خبر ایجنسی کے مطابق ترجمان گورنر ہرات کا کہنا ہے کہ حکام نے سرحدی گزرگاہ اسلام قلعہ کا قبضہ دوبارہ حاصل کرنے کے لیے تازہ دم دستے بھیجے ہیں، جو جلد اسلام قلعہ پہنچ جائیں گے۔