عائشہ عمر کی سوشل میڈیا صارفین کو دھمکی

پاکستانی اداکارہ عائشہ عمر نے لباس، رنگت، جسم سے متعلق تبصرے کرنے والوں کو بلاک اور رپورٹ کرنے کی دھمکی دے دی۔

عائشہ عمر نے بولڈ لباس پہننے کی وضاحت دے دی

پاکستان فلم و ٹی وی انڈسٹری کی اداکارہ عائشہ عمر نے سال 2020 کے اختتامی دن پر ہونے والے لکس اسٹائل ایوارڈز کی ورچوئل تقریب میں بولڈ لباس پہننے پر وضاحت دے دی۔

عائشہ عمر نے اپنی چند تصاویر شیئر کرتے ہوئے مداحوں کو تنبیہ کی کہ وہ ان کی تصاویر پر منفی تبصرے کرنے سے گریز کریں۔

انہوں نے لکھا کہ ’اب سے کسی کے بھی لباس، رنگت، اسٹائل یا جسم کے حوالے سے تبصرے کرنے والوں کو سنگین نتائج بھگتنا ہوں گے۔‘

اداکارہ نے لکھا کہ ’ایسے نفرت انگیز تبصرے کرنے والوں کو بلاک اور رپورٹ کردیا جائے گا۔ لہذا انتخاب آپ کا اپنا ہے۔‘

بولڈ خاتون کا مطلب بہادر اور خود مختار عورت ہے: عائشہ عمر

پاکستان فلم و ٹی وی انڈسٹری کی اداکارہ عائشہ عمر نے بولڈ خاتون کا مطلب بتاتے ہوئے کہا کہ معاشرے نے اس لفظ کے معنی کی بدل دیے ہیں، میری نظر میں بولڈ خاتون کا مطلب بہادر اور خود مختار عورت ہے۔

انہوں نے یہ بھی کہا کہ میری پوسٹ پر تعمیری تنقید کرنے والوں کو ناصرف سراہا جائے گا بلکہ ان کی تعریف بھی کی جائے گی۔