ملا عمر سے اسامہ بن لادن کی حوالگی کی درخواست کی تھی: سعودی شہزادہ

سابق سعودی انٹیلی جنس کے سربراہ شہزادہ ترکی الفیصل کا کہنا ہے کہ انہوں نے ملا عمر سے اسامہ بن لادن کی حوالگی کی درخواست کی تھی۔

یہ بات سابق سعودی انٹیلی جنس کے سربراہ شہزادہ ترکی الفیصل نے سعودی ٹی وی کو انٹرویو دیتے ہوئے کہی۔

اسامہ بن لادن کو ’شہید‘ کہنے پر اپوزیشن کی وزیراعظم پر تنقید

پاکستان مسلم لیگ (ن) کے پارلیمانی لیڈر خواجہ آصف نے کہا کہ جو شخص ہماری سرزمین پر دہشتگردی لایا، وزیراعظم نے اُسے شہید کہا۔

انہوں نے بتایا کہ ملا عمر نے اسامہ بن لادن کو سعودی عرب کے حوالے کرنے سے انکار کر دیا تھا، اسامہ بن لادن ہمارے حوالے کر دیئے جاتے تو نائن الیون نہ ہو تا۔

شہزادہ ترکی الفیصل نے بتایا کہ اس وقت کے افغان صدر حامد کرزئی نے شاہ عبداللّٰہ سے طالبان اور افغان حکومت میں ثالثی کرانے کو کہا تھا۔

انہوں نے بتایا کہ شاہ عبداللّٰہ نے طالبان کے القاعدہ سے تعلقات منقطع کرنے تک ثالثی سے انکار کیا تھا۔

افغان فورسز کا 267 طالبان کو ہلاک کرنے کا دعویٰ

طالبان کےحملوں میں اب تک 3500 افراد جاں بحق ہوئے، اور 2 لاکھ سے زائد لوگ بے گھر ہوچکے ہیں۔

سابق سربراہ سعودی انٹیلی جنس کا کہنا ہے کہ امریکا کے افغانستان سے انخلاء سے کہانی ختم نہیں ہوئی، افغانستان کے پڑوسی ممالک کے اپنے مفاد ہیں، وہ اپنے فائدے کی تلاش میں ہیں۔

ترکی الفیصل کا یہ بھی کہنا ہے کہ افغانستان میں کس کی حکومت ہو گی کس کی نہیں، اس حوالے سے صورتِ حال پیچیدہ ہے، جلد افغانستان کے حوالے سے کتاب شائع کروں گا۔