• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بورڈ امتحانات کی نئی پالیسی، میٹرک طلباء کیلئے تمام مضامین پاس کرنا لازمی

لاہور(خبر نگار)میڑک وانٹر میڈیٹ کے امتحانات کے حوالےسے پالیسی جاری کر دی گئی۔ اختیاری مضامین کےحاصل کردہ نمبر وں کے برابر لازمی مضامین میںنمبرز دے دیے جائیںگے۔ جبکہ پارٹ 1کے لازمی مضامین کے نمبر بھی اختیاری مضامین کے حاصل کردہ نمبروں کے برابر ہونگے ۔ بارہویں جماعت پاس کرنیوالے طلبا کو گیارہویں کے امتحانات میں بیٹھنے کی ضرورت نہیں وہ طلبا جنہوں نے بارہویں کے امتحانات پاس کر لئے ہیں انہیں پارٹ ون کے امتحانات دینے کی ضرورت نہیں وہ طلبا جوڈویژن بہتر کرنے کیلئے امتحان دینا چاہتے ہیں وہ تمام اختیاری مضامین میں بیٹھنے کے پابند ہونگے ۔پارٹ ون میں ایوریج نمبر لینے والے طلبا کے نمبر پارٹ ون کے لازمی مضامین میں بھی اسی طرح ہونگے وہ طلبا جنہوں نے پارٹ ٹوکے اضافی مضامین میں نمبر حاصل کئے انہیں پارٹ ون میں اسی کے مطابق نمبر دیئے جائیں گے۔ میٹرک امتحانات میں بیٹھنے والے طلبا اختیاری مضامین اورریاضی کا پیپر دینے کے پابند ہونگے ،نویں جماعت کے طلبا ریاضی اور اختیاری مضامین کا امتحانات دینے کے پابند ہونگے، تمام پیپرکو پاس کرنا میٹرک طلبا کیلئے لازمی قراردیا گیا ہے۔شہادت السانوی اور او لیو ل کے طلبا جو آئی بی سی سی سے مساوی سرٹیفکیٹ حاصل کرنا چاہتے اپنے تمام متعلقہ مضامین کا امتحان دینگے ،رواں سال میٹرک اور انٹرمیڈیٹ کے پریکٹیکلز امتحانات نہیں لئے جائیں گے ،دسویں اور انٹرمیڈیٹ کے امتحانات پاس کرنے والوں طلبا کو پریکٹکلز میں 50فیصد نمبر دیئے جائیں گے، پی بی سی سی طلبا کے والدین کی شکایت کو 30دن کے اندر اندر نمٹانے کا پابند ہوگا۔
لاہور سے مزید