پاکستانی ارشد ندیم کی شاندار کارکردگی پر امریکی بھی خوش

ٹوکیو اولمپکس میں جیولین تھرو مقابلوں کے فائنل کیلئے کوالیفائی کرنے والے پاکستانی ایتھلیٹ ارشد ندیم کی شاندار کارکردگی پر امریکی بھی خوش دکھائی دے رہے ہیں۔

اسلام آباد میں امریکا کے سفارتخانے کے ٹوئٹر اکاؤنٹ سے جاری ایک پیغام میں ٹوکیو اولمپکس میں جیولین تھرو فائنل تک رسائی پر ارشد ندیم کو مبارکباد دی ہے۔

ٹوئٹ میں کہا گیا کہ ارشد ندیم شاندار تھرو کی بدولت گروپ بی میں پہلی پوزیشن پر رہے۔

ارشد ندیم ٹوئٹر پر ٹاپ ٹرینڈ بن گئے

اولمپیئن ارشد ندیم پاکستانی کے ٹوئٹر ٹرینڈ پینل پر ٹاپ ٹرینڈ بن گئے، ٹرینڈ کا استعمال کرتے ہوئے صارفین ارشد ندیم کی شاندار پرفارمنس کی تعریف کررہے ہیں۔

پیغام میں ارشد ندیم کے فائنل میں بھی اپنی شاندار پرفارمنس برقرار رکھنے کا کہتے ہوئے میڈل راؤنڈ کیلئے گڈ لک کہا گیا۔

دوسری جانب ٹوکیو اولمپکس میں جیولین تھرو مقابلوں کے فائنل کیلئے کوالیفائی کرنے والے پاکستانی ایتھلیٹ ارشد ندیم نے کوالیفائنگ مقابلے میں اپنی شاندار پرفارمنس سے قوم کے دل جیت لیے اور اب پاکستان کے ٹوئٹر ٹرینڈ پینل پر ٹاپ ٹرینڈ بن گئے۔

ٹوکیو اولمپکس، ارشد ندیم نے فائنل کیلئے کوالیفائی کرلیا

ارشد ندیم اولمپکس ایتھلیٹکس مقابلوں کے فائنل تک رسائی حاصل کرنے والے پہلے پاکستانی ایتھلیٹ ہیں۔

گروپ اے میں شامل بھارتی ایتھلیٹ نیرج چوپڑا 86 اعشاریہ چھ پانچ کی تھرو کے ساتھ پہلی پوزیشن پر ہیں جبکہ ارشد ندیم 85 اعشاریہ ایک چھ کی تھرو کے ساتھ گروپ بی میں پہلی پوزیشن پر ہیں۔

ٹوکیو اولمپکس میں جیولین تھرو کے فائنل مقابلے سات اگست کو پاکستانی وقت کے مطابق شام چار بجے شروع ہوں گے۔ ارشد ندیم ٹاپ تھری ایتھلیٹ کے طور پر ٹریک پر آئیں گے اور یقینی طور پر وہ پاکستان کیلئے میڈل کی ایک امید ہوں گے۔