• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

افغانستان میں جنگ نہیں مذاکرات مسئلے کاحل ہیں، اے این پی

تازہ ترین
قومی خبریں
04 اگست ، 2021
افغانستان میں جنگ نہیں مذاکرات مسئلے کاحل ہیں، اے این پی

عوامی نیشنل پارٹی (اے این پی) کی ترجمان ثمر ہارون بلور نے کہا ہے کہ ہم جب افغانستان کی بات کرتے ہیں تو یہ پاکستان کی حفاظت کی بات ہوتی ہے۔

پشاور میں پریس کانفرنس کے دوران ثمر بلور نے کہا کہ جنگ کسی مسئلے کا حل نہیں، مسائل کا حل مذاکرات ہیں، افغانستان میں بندوق سے لوگ قابض ہوں گے تو اثرات یہاں آئیں گے۔

انہوں نے کہا کہ خطے کی صورتحال پر وزیراعظم عمران خان اور وزراء کے بیانات افسوسناک ہیں، ہم جب افغانستان کی بات کرتے ہیں تو یہ پاکستان کی حفاظت کی بات ہے۔

وزیراعظم نے افغان صورتحال پر کل اہم اجلاس طلب کرلیا

وزیراعظم عمران خان نےا فغانستان کی صورتحال پر کل اہم اجلاس طلب کرلیا۔

اے این پی ترجمان نے مزید کہا کہ وزیرستان اور مردان میں پولیس اہلکاروں کو شہید کیا گیا۔

اُن کا کہنا تھاکہ آج بھی پولیس کو نشانہ بنایا جارہا ہے، یوم شہداء پولیس پر تمام شہداء کو خراج عقیدت پیش کرتے ہیں۔

ثمر ہارون بلور نے استفسار کیا کہ مہنگائی کا جن بے قابو ہوچکا ہے، حکومت مہنگائی پر کب کنٹرول کرے گی؟

تازہ ترین