امریکی اداکارہ جینیفر اینسٹن نے کورونا سے تحفظ فراہم کرنے والی ویکسین نہ لگوانے والوں کو زندگی سے بےدخل کرنے کا فیصلہ کرلیا۔
حالیہ انٹرویو میں انہوں نے ویکسین نہ لگوانے والوں پر اظہارِ برہمی کرتے ہوئے کہا کہ ایک سال سے زائد کا عرصہ بیت گیا اور لوگوں کو کچھ سمجھ ہی نہیں آرہی۔
مئی میں اداکارہ نے ویکسین کی دونوں ڈوزز لگوا لی تھیں اور اپنے چاہنے والوں کو بھی ویکسین لگوانے کا پیغام دیا تھا۔
حالیہ انٹرویو میں انہوں نے کہا کہ وہ ان تمام لوگوں کو زندگی سے بےدخل کررہی ہیں جو ویکسین نہیں لگوارہے اور اس سے متعلق مختلف پروپگینڈوں کا شکار ہیں۔
اداکارہ نے کہا کہ وہ گزشتہ کچھ عرصے سے ان تمام لوگوں سے لاتعلقی اختیار کرچکی ہیں جنہوں نے ویکسین لگوانے سے انکار کیا ہے اور ان سے بھی جو اس متعلق اظہارِ خیال نہیں کررہے۔