• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ضلع ملتان کے ہسپتالوں میں ڈاکٹروں کی شدید کمی، مریضوں کو شدید مشکلات کا سامنا

میرا شہر
ملتان
07 اگست ، 2021
ملتان (سٹاف رپورٹر) پاکستان میڈیکل ایسوسی ایشن کے وفد نے صدر پروفیسر ڈاکٹر مسعود الرؤف ہراج کی قیادت میں کمشنر ملتان جاوید اختر محمود سے اُن کے دفتر میں ملاقات کی اور مسائل سے آگا ہ کیا کہ ضلع ملتان کے ہسپتالوں میں میڈیکل آفیسراور کنسلٹنٹ کی خالی آسامیوں پر ایڈہاک پر بھرتی کا عمل فوری مکمل کیا جائے کیونکہ امیدواروں سے 2 ماہ پہلے انٹرویو لئے جا چکے ہیں ان پر تعیناتی کی جائے تاکہ ڈاکٹرز کی کمی سے درپیش مسا ئل کا ازالہ ہو، مزید کہا کہ نشتر ہسپتال اور ہاسٹلز کے روڈ و عمارت ٹوٹ پھوٹ کا شکار ہیں اس لئے ہا سپٹل اور ہاسٹلز کے حالات بیوٹیفکیشن پلان سے بہتر کئے جا ئیں ،نشتر روڈ پر تجا وزات کا خا تمہ کیا جائے اور ٹریفک کے مسائل حل کئے جائیں ،نشتر ہسپتال کے ڈاکٹر ز کے لئے رہائشی ٹاور کے منصوبے پر عملی کام شروع کیا جائے اور کارڈیالوجی ہسپتال کی طرح نشتر میں بھی شجر کا ری مہم کی جا ئے جس پر کمشنر ملتان نے وفد سے گفتگو کرتے ہو ئے بتایا کہ نشتر ہسپتال ملتان کے لئے بیو یٹفیکیشن پلا ن بنایا گیا ہے جس پر 20 کروڑ خر چ ہوں گے، وزیر اعلیٰ سے منظوری کے بعد منصوبہ پر عمل درآمد شروع ہو جائے گا ۔ایڈہاک پر بھرتی کے عمل کو جلد مکمل کر دیا جائے گا۔ اس موقع پر ڈاکٹر شیخ عبدالخالق، ڈاکٹر احمد خلیل، ڈاکٹر ذوالقرنین حیدر، ڈاکٹر خرم ملک و دیگر شریک تھے۔
تازہ ترین