فرمان الہی
نماز کے اوقات
پاکستان فلم و ٹی وی انڈسٹری کی معروف اداکارہ حمیمہ ملک نے مینارِ پاکستان واقعہ پر شدید برہمی کا اظہار کرتے ہوئے کہا ہے کہ جب ہماری اپنی بہنوں کے ساتھ کچھ بُرا ہوگا تو کیا ہم اُس وقت آواز اُٹھائیں گے؟
سوشل میڈیا سائٹ انسٹاگرام پر جاری کی گئی اسٹوری میں حمیمہ ملک نے کہا کہ ’پہلے زینب، پھر نور اور اب ہم مینارِ پاکستان پر آگئے ہیں۔‘
حمیمہ ملک نے کہا کہ ’اب ہم کس بات کا انتظار کررہے ہیں، کل ہماری سگّی بہن اس مقام پر ہوئی تو؟
اداکارہ نے کہا کہ ’اُس وقت ہمیں زیادہ تکلیف، شرم، دُکھ اور ہوگا؟‘
مینارِ پاکستان واقعہ ہے کیا؟
لاہور کے گریٹر اقبال پارک میں یومِ آزادی کے موقع پر خاتون ٹک ٹاکر سے دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔
سیکڑوں نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیے جبکہ پولیس واقعہ سے بے خبر رہی۔
فوٹیجز سوشل میڈیا پر وائرل ہونے پر پولیس نے 400 افراد کے خلاف مقدمہ درج کر لیا جبکہ وزیر اعلیٰ پنجاب عثمان بزدار نے ملزمان کی فوری گرفتاری کا حکم دے دیا ہے۔
دوسری جانب سوشل میڈیا پر اس واقعے کی شدید مذمت کرتے ہوئے ملزمان کیخلاف سخت ایکشن کا مطالبہ کیا جارہا ہے۔
