فرمان الہی
نماز کے اوقات
کراچی(اسٹاف رپورٹر، این این آئی) پاکستان مسلم لیگ(ن) کے صدر میاں شہباز شریف جمعہ کو3روزہ دورے پر کراچی پہنچیں گے۔ پاکستان مسلم لیگ(ن) سندھ کے صدر شاہ محمدشاہ نے اس ضمن میں بتایا کہ میاں شہباز شریف تین دن کراچی میں قیام کرینگے اور پارٹی رہنمائوں اور عہدیداروں سے ملاقات کے علاوہ پی ڈی ایم کے جلسے سے بھی خطاب کرینگے۔ انہوں نے بتایا کہ میاں شہباز شریف تعزیت کیلئے پیرپگارا، سیدجلال محمود شاہ اور امیر بخش بھٹو کے گھر جائینگے۔شاہ محمد شاہ نے بتایاکہ شہباز شریف مسلم لیگ (ن) کے رہنمائوں سے ملاقاتیں کرینگے۔ انہوں نے بتایااس سلسلے میں پارٹی کے ضلعی عہدیداروں کا اجلاس آج (بدھ) مسلم لیگ ہائوس کارساز میں طلب کر لیا گیا ہے۔دوسری جانب مسلم لیگی ذرائع نے بتایا کہ میاں شہباز شریف مسلم لیگ(ن)کے وفد کی قیادت کرتے ہوئے 29اگست کو کراچی میں پی ڈی ایم کراچی جلسے سے خطاب کرینگے۔
