وسیم اکرم کی بیٹی کرکٹ کھیلنے کیلئے پُرجوش

سوئنگ کے سلطان اور سابق کرکٹر وسیم اکرم کے میلبورن پہنچتے ہی اُن کی بیٹی عائلہ کرکٹ کھیلنے کے لیے پُرجوش ہوگئیں۔

مائیکرو بلاگنگ سائٹ ٹوئٹر پر وسیم اکرم نے اپنی بیٹی عائلہ کی تصویر شیئر کی ہے جس میں اُنہوں نے کرکٹ کِٹ پہنی ہوئی ہے۔

عائلہ کی کِٹ پر ’اکرم‘ لکھا ہوا ہے اور ساتھ ہی کرکٹ بلاسٹ بھی لکھا ہوا ہے۔

وسیم اکرم نے اپنے ٹوئٹ میں لکھا کہ ’میری ننھی شہزادی کی پہلی کرکٹ کِٹ۔‘

وسیم اکرم، اہلیہ شنیرا اور بیٹی سے ملنے میلبورن پہنچ گئے

قومی کرکٹ ٹیم کے سابق لیجنڈری کرکٹر وسیم اکرم اہلیہ شنیرا اکرم اور بیٹی عائلہ سے ملنے طویل مدت بعد میلبورن پہنچ گئے۔

اُنہوں نے لکھا کہ ’عائلہ اپنے والد کے ساتھ کرکٹ کھیلنے کے لیے بےحد پُرجوش ہیں۔‘

سابق کرکٹر نے مزید لکھا کہ ’بیٹیاں بیسٹ ہوتی ہیں، میں عائلہ کو دیکھنے کیلئے انتظار نہیں کرسکتا۔‘

واضح رہے کہ قومی کرکٹ ٹیم کے سابق لیجنڈری کرکٹر وسیم اکرم اہلیہ شنیرا اکرم اور بیٹی عائلہ سے طویل مدت بعد ملنے میلبورن پہنچے ہیں۔

وسیم سے علیحدگی کو 145دن ہوگئے ہیں: شنیرا

قومی کرکٹ ٹیم کے سابق کپتان وسیم اکرم کی اہلیہ شنیرا نے اپنے شوہر کے لیے سوشل میڈیا پر جذباتی پیغام جاری کرتے ہوئے کہا ہے کہ وہ گزشتہ 145 دن سے اپنے شوہر سے علیحدہ رہ رہی ہیں۔

گزشتہ برس سے شنیرا بیٹی کے ہمراہ کورونا وبا کے باعث سفری پابندیوں کے باعث آسٹریلیا میں ہی پھنسی ہوئی ہیں۔