عائشہ اکرم آج دست درازی کے ملزمان کو جیل میں شناخت کرینگی

مینارِ پاکستان لاہور کے گریٹر اقبال پارک میں ٹک ٹاکر عائشہ اکرم سے دست درازی کے ملزمان کی کیمپ جیل میں آج شناخت پریڈ ہو گی جس کے لیے انتظامات مکمل کر لیئے گئے۔

پولیس کی جانب سے حراست میں لیئے گئے 141 افراد کی شناخت پریڈ آج ہو گی، عائشہ اکرم کو شناخت پریڈ کے لیے جیل بلایا گیا ہے۔

متاثرہ خاتون عائشہ اکرم مجسٹریٹ کی موجودگی میں ملزمان کی شناخت کریں گی۔

ٹک ٹاکر عائشہ اکرم کا میڈیکل، جسم پر زخم کے 13 نشانات

لاہور میں مینارِ پاکستان کے گریٹر اقبال پارک میں دست درازی، ہراسگی اور بدتمیزی کا نشانہ بننے والی خاتون ٹک ٹاکر عائشہ اکرم کا میڈیکل مکمل ہو گیا اور رپورٹ جاری کر دی گئی۔

مجسٹریٹ نے ملزمان کی شناخت پریڈ کے لیے جوڈیشل ریمانڈ منظور کر رکھا ہے۔

ذرائع کے مطابق شناخت ہونے والے ملزمان کو علیحدہ سیل میں بند کیا جائے گا۔

ذرائع نے یہ بھی بتایا ہے کہ شناخت کے بعد ملزمان کو جسمانی ریمانڈ کے لیے عدالت میں پیش کیا جائے گا۔

ٹک ٹاکر خاتون سے ہراسانی کے 56 ملزمان کی تصاویر پولیس کو حاصل

لاہور پولیس نے مینارِ پاکستان پر ٹک ٹاکر لڑکی عائشہ اکرم کو ہراساں کرنے کے کیس میں واقعے کے حاصل کیئے گئے 24 ویڈیو کلپس میں سے 56 افراد کی تصاویر حاصل کر لیں۔

واضح ہے کہ مینارِ پاکستان پر خاتون ٹک ٹاکر عائشہ اکرم سے دست درازی کا واقعہ 14 اگست کو پیش آیا تھا۔

واقعے کا مقدمہ 400 سے زائد افراد کے خلاف تھانہ لاری اڈا میں درج ہے۔