• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی‘ دو نو عمر لڑکوں سمیت تین افراد جان کی بازی ہارگئے

میرا شہر
اسلام آباد
29 اگست ، 2021
راولپنڈی (سٹاف رپورٹر) راولپنڈی کے مختلف علاقوں میں دو نوعمر لڑکوں سمیت تین افراد جان کی بازی ہار گئے۔ ایس ایچ او تھانہ ائرپورٹ سید جواد شاہ نے بتایا کہ غریب آباد میں رہائش پذیر ارشد کا 13سالہ بیٹا عبداللہ ارشد گھر میں کھیلتے ہوئے گلے میں دوپٹے کا پھندا لگنے سے جاں بحق ہوگیا۔ تھانہ صدر بیرونی کے علاقہ خالد کالونی چکری روڈ میں کھیل کے دوران بچوں میں جھگڑا ہوگیا اس دوران سرپر اینٹ لگنے سے پندرہ سالہ بلال ولد ابرار جاں بحق ہوگیا۔ ادھر تھانہ صادق آباد کے علاقہ ایران روڈ پر ایک ہسپتال میں بطور میل نرس کام کرنے والے لوئردیر کے محمد عثمان نے خود کو سکون آور انجکشن لگایا جس کی ڈوز زیادہ ہونے سے اس کی موت واقع ہوگئی۔
تازہ ترین