• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دبستانِ شعر: زندگی یہ تو نہیں تجھ کو سنوارا ہی نہ ہو

MD
میگزین ڈیسک
میگزینز
قرطاسِ ادب
30 اگست ، 2021
دبستانِ شعر: زندگی یہ تو نہیں تجھ کو سنوارا ہی نہ ہو

……جاں نثار اختر……

زندگی یہ تو نہیں تجھ کو سنوارا ہی نہ ہو

کچھ نہ کچھ ہم نے ترا قرض اتارا ہی نہ ہو

دل کو چھو جاتی ہے یوں رات کی آواز کبھی

چونک اٹھتا ہوں کہیں تو نے پکارا ہی نہ ہو

کبھی پلکوں پہ چمکتی ہے جو اشکوں کی لکیر

سوچتا ہوں ترے آنچل کا کنارا ہی نہ ہو

زندگی ایک خلش دے کے نہ رہ جا مجھ کو

درد وہ دے جو کسی طرح گوارا ہی نہ ہو

شرم آتی ہے کہ اس شہر میں ہم ہیں کہ جہاں

نہ ملے بھیک تو لاکھوں کا گزارا ہی نہ ہو

تازہ ترین