• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور ، سا ل رواں میں قتل اقدام قتل میں ملو ث 506ملزمان گر فتار

میرا شہر
پشاور
02 ستمبر ، 2021
پشاور(کرائم رپورٹر) رواں سال کے دوران صدر ڈویژن پولیس نے قتل، اقدام قتل میں ملوث 506 ملزمان سمیت ڈکیتی، راہزنی، چوری، نقب زنی، کار سنیچنگ اور کار لفٹنگ میں ملوث 132 ملزمان کو گرفتار کر کے انکے قبضہ سے 14 عدد مسروقہ گاڑیاں، موٹر سائیکلیں اور لاکھوں مالیت کے متفرق اشیاءبھی برآمدکرلی ۔ایس پی صدر ڈویژن وقار احمد کے مطابق رواں سال کے دوران سنگین جرائم میں مطلوب 837 اشتہاری ملزمان کو بھی جیل کی سلاخوں کے پیچھے دھکیلتے ہوئے مختلف جرائم میں ملوث ملزمان کے قبضہ سے 210 کلاشنکوف، 25 کالاکوف، 239 رائفل، 204 شارٹ گن، 1500 پستول بھی برآمد کئے گئے ۔جاری کریک ڈاون کے دوران سینکڑوں منشیات فروشوں سے 1126 کلو چرس، 132 کلو افیون، 34 کلوآئس اور 23 کلو ہیروئن برآمد کی گئی ۔اسی طرح 33 کروڑ 40 لاکھ مالیت سے زائد کا نان کسٹم پیڈ سامان بھی برآمد کر کے کسٹم حکام کے حوالے کیاگیا۔
تازہ ترین