منڈو ڈیرو ٹرین حادثہ، ریلوے ٹریفک ڈاؤن ٹریک سے بحال، جعفر ایکسپریس روانہ

کراچی سے کوئلہ لے کر ساہیوال جانے والی ٹرین کی پانچ بوگیاں پنوں عاقل کے قریب پٹری سے اترنے کے باوجود ریلوے حکام کی کوششوں سے اندرون ملک آنے جانے والی ٹرینوں کا آپریشن دو گھنٹے بعد بحال کر دیا گیا۔

حادثے کے وقت روہڑی ریلوے اسٹیشن سے روانہ ہونے والی جعفر ایکسپریس کو واپس روہڑی اسٹیشن بلوا لیا گیا تھا جسے دوبارہ روانہ کر کے ڈاؤن ٹریک سے منزل پر روانہ کردیا گیا ہے۔

کراچی سے کوئلہ لےکر ساہیوال جانے والی مال گاڑی پٹری سے اتر گئی

حادثے کی اطلاع ملتے ہی سکھر سے روانہ ہونے والی جعفر ایکسپریس کو ہنگامی بنیاد پر راستے میں ہی روک دیا گیا ہے۔

ریلوے ذرائع کے مطابق حادثے کے مقام پر ڈاؤن ٹریک سے ٹرینوں کی آمدورفت جاری رکھی جا رہی ہے، جس کے اوائل میں جعفر ایکسپریس کو ڈاؤن ٹریک سے جائے حادثہ کے قریب سے گزار کر روانہ کر دیا گیا ہے۔

ذرائع کے مطابق کراچی سے اندرون ملک کے لیے روانہ ہونے والی لگ بھگ 10 ٹرینیں مختلف اسٹیشنوں پر روکی جا رہی ہیں جنہیں مرحلہ وار ڈاؤن ٹریک کے ذریعے جائے حادثہ سے گزار کر منزل پر رواں رکھنے کی ہدایت کی گئی ہے۔