اسپورٹس راؤنڈ اپ

جاپانی قونصل جنرل توشی کازوایسومورا نے کہا ہے کہ پاکستان اور جاپان کے تعلقات اب اسپورٹس میں بھی مضبوط ہورہے ہیں جو دونوں ممالک کے اسپورٹس سرکل کے لئے خوش آئند ہے ،ان خیالات کا اظہار انہوں نے سندھ اولمپک ایسوسی ایشن کے ایک وفد سے ملاقات میں کیا جس میں سیکریٹری احمد علی راجپوت ، نائب صدر امتیاز شیخ ،اصغر بلوچ ،ماجدہ حمید اور خالد رحمانی شامل تھے ۔

ایڈمنسٹریٹر ڈی ایم سی ساؤتھ ڈاکٹر افشاں رباب سیدنے کہاہے کہ نوجوان نسل کو صحت مندانہ ماحول اور تفریح کی فراہمی ہم سب کی مشترکہ ذمہ داری ہے۔

ان خیالات کا اظہار انہوں نے کمشنر کراچی اسپورٹس کمیٹی کے کوآرڈینیٹر غلام محمد خان کی سربراہی میں مختلف اسپورٹس ایسوسی ایشنز کے نمائندوں سے ملاقات کے موقع پر کیا۔

اس موقع پر پاکستان باکسنگ فیڈریشن کے نائب صدر اصغر بلوچ، سندھ سائیکلنگ ایسوسی ایشن کے سیکریٹری محمد کلیم اعوان، کراچی باسکٹ بال ایسوسی ایشن کے مشیر قانون غلام عباس جمال ایڈووکیٹ، کراچی سائیکلنگ کے صدر ڈاکٹر نصیرالدین شاہین و دیگر بھی موجود تھے ۔