• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شردھا کپور کے بھکاری کو نظر انداز کرنے کو صارفین نے شرمناک قرار دیدیا

ممبئی(این این آئی) فلم انڈسٹری سے جڑے فنکار ہمیشہ مداحوں اور ٹرولز کے ریڈار پر رہتے ہیں۔ حال ہی میں اداکارہ شردھا کپور نے اپنے قریب کھڑے بھکاری کو نظر انداز کردیا جس کی وجہ سے انہیں تنقید کا نشانہ بنایا جا رہا ہے۔بولی وڈ اداکارہ شردھا کپور نے اپنے فلمی کیئریئر کا آغاز فلم ʼتین پتیʼ سے کیا تاہم انہیں زیادہ شہرت فلم ʼعاشقی 2ʼ میں اداکاری کے جوہر دکھانے سے ملی۔ سوشل میڈیا پر اداکارہ شردھا کپور کی ایک ویڈیو وائرل ہو رہی ہے جس میں دیکھا جا سکتا ہے کہ وہ ممبئی کے شہر جوہو میں ایک ریسٹورنٹ سے اپنی سہیلیوں کے ہمراہ لنچ کرنے کے بعد باہر نکلتی ہیں۔ریسٹورنٹ کے باہر وہ اپنی سہیلیوں کو الوداع کر ہی ہوتی ہیں جبکہ ایک عمر رسیدہ بھکاری ان قریب ہاتھ جوڑ کر کھڑا ہے۔ اداکارہ بھکاری کو مکمل طور پر نظر انداز کر کے اپنی گاڑی میں بیٹھ کر وہاں سے روانہ ہو جاتی ہیں۔شردھا کپور کے عمل کو مداحوں سمیت سوشل میڈیا صارفین نے ناپسند کیا۔ وائرل ویڈیو پر ہونے والے تبصروں سے اندازہ لگایا جا سکتا ہے کہ اداکارہ کے اس رویئے کی بھرپور مذمت کی جا رہی ہے۔ صارفین شردھا کپور کے رویئے کو شرمناک قرار دے رہے ہیں۔ایک صارف کا کہنا ہے کہ دولتمند ہونے کے باوجود یہ لوگ کس طرح ضرورت مندوں کو نظر انداز کر دیتے ہیں۔ دوسرے صارف نے شردھا کپور کو مخاطب کرتے ہوئے کہا کہ اگر آپ اس شخص کو پیسے نہیں دے سکیں تو کم از کم کھانا ہی کھلا دیتیں، آپ کروڑوں روپے کماتی ہیں۔ایک صارف نے تجویر پیش کہ تمام لوگوں کو فوری طور پر شردھا کپور کا بائیکاٹ کرنا چاہیے اور انہیں سوشل میڈیا پر بھی ان فالو کر دینا چاہیے۔ جبکہ متعدد صارفین نے کہا کہ ʼسب سے بڑی غریب تو شردھا کپور خود ہے۔

دل لگی سے مزید