• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نوازشریف اورشہباز شریف کو دلوں سے نہیں نکالاجاسکا،سعدرفیق

میرا شہر
لاہور
13 ستمبر ، 2021
لاہور(خصوصی نمائندہ +جنرل رپورٹر) پاکستان مسلم لیگ(ن) کے مرکزی رہنما خواجہ سعد رفیق نے کہا ہے کہ پورے پاکستان میں شیر ہی شیر بول رہا ہے ،12ستمبر کا دن پاکستان مسلم لیگ (ن) کی فتح مبین کا دن ہے ،ایک بار پھر زندہ دلان لاہور نے ووٹ کی طاقت سے ثابت کیا ہے کہ نواز شریف لوگوں کے دلوں کا وزیراعظم ہے ،ووٹ کی ڈکیتی نواز شریف، شہباز شریف اور مسلم لیگ (ن)کو لوگوں کے دلوں سے نہیں نکال سکی ۔ ان خیالات کا اظہارانہوںنے اپنے دفتر کے باہر جشن کے لئے اکٹھے ہونے والے لیگی کارکنوں سے خطاب کرتے ہوئے کیا ۔ا س موقع پر خواجہ عمران نذیر، ذیشان ملک، بلال یاسین، سید توصیف شاہ، میاں مرغوب احمد سمیت دیگر لیگی قائدین بھی موجود تھے۔ ۔خواجہ سعد رفیق نے کہا کہ کنٹونمنٹ کے باشعور لوگوں نے ووٹوں کی خرید و فروخت کے دھندے کو مسترد کر کے مسلم لیگ (ن) کو کامیابی دی ہے۔ ،والٹن کنٹونمنٹ کی 9 کی 9 نشستیں مسلم لیگ (ن) نے حاصل کی ہیں ،2015 میں ہم نے 10 میں سے 9 نشستیں جیتیں تھیں، اس سال ہم نے کلین سویپ کیا ہے ،لاہور کنٹونمنٹ میں ہم نے 6 نشستیں جیتی ہیں ،بھٹہ چوک کے قریب 3 پولنگ اسٹیشنوں کا نتیجہ نہیں دیا گیا لیکن مسلم لیگ (ن) کے شیروں کے سکیورٹی حصار کو وہ توڑ نہیں سکے ۔انہوںنے کہاکہ پی ٹی آئی کے امیدوار نے ہمارے امیدوار پر حملہ کروایا ،ایک اور پولنگ اسٹیشن کے عملے کو پی ٹی آئی والوں نے 3 گھنٹے یرغمال بنا کر رکھا ،ہم نے پنجاب حکومت اور لاہور پولیس کے سربراہ کو کہا تھا جو آج چھپتا پھرتا ہے کہ علاقے کا امن خراب ہو گا ،
تازہ ترین