عمر شریف کی طبیعت پہلے سے بہتر: جواد شریف

ملک کے لیجنڈری کامیڈین و اداکار عمر شریف کے بیٹے کا کہنا ہے کہ والد کی طبیعت پہلے سے بہتر ہے۔

کامیڈین و اداکار عمر شریف کے بیٹے جواد عمر نے ’جیو نیوز‘ سے گفتگو میں کہا کہ ویزا مل گیا ہے، ایئر ایمبولینس کیلئے پراسس جاری ہے۔

عمر شریف کے امریکی اسپتال میں علاج کی تیاریاں مکمل ہوگئیں: اہلیہ زرین عُمر

پاکستان کے لیجنڈری کامیڈین اور اداکار عُمر شریف کی اہلیہ زرین عُمر نے کہا ہے کہ امریکا کے جارج واشنگٹن اسپتال میں اُن کے شوہر کے علاج کی تیاریاں مکمل کرلی گئی ہیں۔

جواد عمر کا مزید کہنا ہے کہ بیرونِ ملک روانگی کیلئے ویزے مل گئے ہیں، والد کی طبیعت بہتر ہے، جلد علاج کے لیے روانہ ہوں گے۔

واضح رہے کہ عُمر شریف اس وقت متعدد بیماریوں کے باعث کراچی کے ایک نجی اسپتال میں زیرِ علاج ہیں اور انہوں نے وزیرِ اعظم عمران خان سے درخواست کی تھی کہ وہ بیرونِ ملک سرجری کے لیے اُنہیں جلد از جلد امریکی ویزا جاری کریں۔

اس حوالے سے گزشتہ روز وزیرِ اعظم عمران خان کے معاونِ خصوصی برائے سیاسی روابط شہباز گِل نے ٹوئٹر پر جاری بیان میں اس بات کی تصدیق کی کہ عمر شریف اور ان کے اہلِ خانہ کو امریکا کے ویزے جاری کر دیئے گئے ہیں۔