• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آسٹریلیا سے آبدوز معاہدے پر تشویش دو ماہ پہلے شروع ہوئی، فرانس

فرانسیسی صدارتی محل نے آسٹریلیا امریکا آبدوز معاہدہ پر کہا ہے کہ آسٹریلیا سے آبدوز معاہدے سے متعلق تشویش 2 ماہ پہلے شروع ہوئی تھی۔

پیرس سے موصولہ اطلاعات کے مطابق فرانسیسی صدارتی محل کا اس حوالے سے مزید کہنا ہے کہ امریکا نے اپنے ارادے کا نہیں بتایا نہ ہی ہمارے سوالوں کےجواب دیے۔ جون میں فرانسیسی صدر کی آسٹریلوی وزیراعظم سے ملاقات ہوئی تھی۔

فرانسیسی صدارتی محل کے مطابق ملاقات میں آبدوز معاہدہ ختم کرنے کا کوئی اشارہ نہیں دیا گیا۔ امریکا نے بھی اپنے کسی ارادے کا نہیں بتایا نا ہی ہمارے سوالوں کے جواب دیے۔

آسٹریلیا نے چند روز پہلے فرانس سے آبدوز معاہدہ ختم کر کے امریکا سے جوہری آبدوزوں کا معاہدہ کیا ہے جس پر فرانس نے امریکا اور آسٹریلیا سے اپنے سفیروں کو واپس بلا لیا ہے۔

بین الاقوامی خبریں سے مزید