اسپین میں آتش فشاں کا لاوا ہر شے کو اپنی لپیٹ میں لے رہا ہے

اسپین کے شمال مغربی افریقہ کے قریب بحر اوقیانوس میں واقع مجمع الجزائر میں موجود کینرے جزیرے میں آتش فشاں سے نکلنے والا لاوا ہر شے کو اپنی لپیٹ میں لے رہا ہے۔

بتایا جاتا ہے کہ گھر، درخت اور ایک سوئمنگ پول بھی جل کر راکھ ہوگئے ہیں۔ جبکہ پہاڑ میں مزید شگاف پڑنے پر لاوے کا ایک اور جگہ سے اخراج شروع ہوگیا، مزید 500 افراد کا انخلا کرایا گیا۔

ماہرین کے مطابق آتش فشاں سے نکلنے والے لاوے کی رفتار اندازہ لگائی گئی رفتار سے کم ہے۔ لاوے کا رخ بحر اوقیانوس کی جانب ہے۔

حکام کے مطابق رات گئے ایک اور مقام سے لاوے کا بہاؤ شروع ہوگیا تھا، جس کے باعث مزید افراد کو محفوظ مقام پر منتقل کیا گیا ہے۔