• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر آزاد کشمیر کی اسپیکر پنجاب اسمبلی سے ملاقات


صدر آزاد کشمیر بیرسٹر سلطان محمود نے لاہور میں اسپیکر پنجاب اسمبلی چوہدری پرویز الہٰی سے ملاقات کی۔

اس موقع پر پرویز الہٰی نے کہا کہ پاکستان مسئلہ کشمیر کے منصفانہ حل کےلیے کوشاں ہے۔

انہوں نے مزید کہا کہ پاکستان ہر فورم پر موثر انداز میں اس مسئلہ کو اجاگر کر رہا ہے، حصول آزادی کی جدوجہد میں کشمیری اکیلے نہیں، پاکستان کا بچہ بچہ ان کے ساتھ کھڑا ہے۔

بیرسٹر سلطان محمود نے کہا کہ کشمیری عوام بھارت کے پنجہ استبداد سے نجات حاصل کرنے کے لیے قربانیاں دے رہے ہیں۔

صدر آزاد کشمیر نے یہ بھی کہا کہ صحت، تعلیم اور دہشت گردی جیسے مسائل پر اجتماعی کوششوں سےقابو پایا جاسکتا ہے۔

اس موقع پر اسپیکر پنجاب اسمبلی نے صدر آزاد کشمیر کو پنجاب اسمبلی کے نئے ایوان کا دورہ کروایا۔

بیرسٹر سلطان محمود نے چوہدری پرویز الہٰی کو پنجاب اسمبلی کی نئی عمارت فنکشنل ہونے پر مبارک باد دی۔

انہوں نے ایوان کو قرآنی آیات اور احادیث مبارکہ سے مزین کیے جانے پر پرویز الہٰی کو خراج تحسین پیش کیا۔

قومی خبریں سے مزید