• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیئرمین نیب جاوید اقبال کو توسیع نہیں دی جارہی، تجزیہ کار


کراچی (ٹی وی رپورٹ)جیو کے پروگرام ”کیپٹل ٹاک “ میں میزبان منیب فاروق سے گفتگو کرتے ہوئے تجزیہ کاروں نے کہا ہے کہ چیئرمین نیب جاوید اقبال کو توسیع نہیں دی جارہی ہے حکومت ایک ساتھ دو غلطیاں نہیں کرے گی ایک تو اپوزیشن سے مشاورت نہیں کررہی اور دوسرا توسیع دے۔

حکومت اور اپوزیشن میں سے کوئی نہیں چاہے گا کہ کوئی تگڑا بندہ چیئرمین نیب بنے اور خود مختار ہو۔

سینئر اینکرپرسن، تجزیہ کار،جاویدچوہدری نے کہا کہ جب سے پاکستان بنا ہے ہر دور میں پنجاب ہی میدان جنگ رہا ہے کیونکہ رقبے اور آباد ی میں زیادہ ہے ہر لحاظ سے بزنس میں زیادہ ہے جب بھی کوئی انتخابات ہوتے ہیں تو پنجاب ہی میٹر کرتا ہے۔

سوال یہ ہے کہ وسیم اکرم پلس کی موجودگی میں آپ یہ الیکشن جیت سکتے ہیں وزیراعظم کویہ بہت بڑی غلط فہمی ہے کہ عثمان بزدار 2023 ء میں اس قابل ہوں گے ۔

یہ چاہتے ہیں کہ2022ء میں سبسڈی دے کر ایک دم مہنگائی کو کنٹرول کرلیں اور مہنگائی ایک ہندسہ میں آجائے ۔

حکومت آئندہ سال سے ترسیلات زراور جو ہمارے پاس ریزرو ہیں ان کو استعمال کرنا شروع کرے گی گزشتہ حکومتیں بھی یہی کرتی رہی ہیں۔

اہم خبریں سے مزید