• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ناکامی و شکست 2023ء میں بھی ن لیگ کا مقدر ہے، فرخ حبیب


وزیر مملکت اطلاعات و نشریات فرخ حبیب نے کہا ہے کہ 2023 میں بھی ناکامی اور شکست ن لیگ کا مقدر بنے گی۔

اسلام آباد سے جاری بیان میں فرخ حبیب نے اپوزیشن لیڈر کے 2023 میں پی ٹی آئی کو سیاسی طور پر دفن کرنے کے بیان پر ردِعمل دیا۔

انہوں نے کہا کہ شہباز شریف، حکومت پر تنقید سے پہلے اپنے بھگوڑے بھائی کو وطن واپس لائیں۔

وزیر مملکت نے مزید کہا کہ کنٹونمنٹس الیکشن میں سندھ، کے پی کے، بلوجستان میں ن لیگ کا صفایا ہوگیا ہے۔

اُن کا کہنا تھا کہ شہباز شریف کی جماعت سکڑ کر ایک ریجن کی جماعت بن چکی، ملک بھر کے کنٹونمنٹس میں ہوئے بلدیاتی الیکشن میں پی ٹی آئی پہلے نمبر پر ہے۔

فرخ حبیب نے دعویٰ سے کہا کہ الیکٹرانک ووٹنگ مشین (ای وی ایم) ہی شفاف الیکشن کی ضامن ہے۔

قومی خبریں سے مزید