اریبہ حبیب کو شہناز گِل کی فلم کا بےصبری سے انتظار

27 ستمبر ، 2021

پاکستان شوبز انڈسٹری کی معروف اداکارہ اریبہ حبیب کو بھارتی اداکارہ اور بگ باس 13 کی کنٹسٹنٹ شہناز گِل کی فلم ’حوصلہ رکھ‘ کا بےصبری سے انتظار ہے۔

اس حوالے سے اریبہ حبیب نے فوٹو اینڈ ویڈیو شیئرنگ ایپ انسٹاگرام پر خصوصی اسٹوری شیئر کی۔

اریبہ حبیب نے اپنی انسٹاگرام اسٹوری میں شہناز گِل کی نئی آنے والی فلم ’حوصلہ رکھ‘ کا پوسٹر شیئر کیا۔

اداکارہ نے اپنی اسٹوری میں فلم کے مرکزی اداکاروں شہناز گِل، سونم باجوہ اور دلجیت کو مینشن کیا۔

اُنہوں نے تمام بھارتی اداکاروں کو مخاطب کرتے ہوئے لکھا کہ ’وہ اُن کی فلم کے لیے بہت پُرجوش ہیں۔‘

اریبہ حبیب کی انسٹا اسٹوری دیکھنے کے بعد واضح ہوگیا ہے کہ وہ شہناز گِل کی فلم کا بےصبری سے انتظار کررہی ہیں۔

اس سے قبل فلم ’حوصلہ رکھ‘ کے پروڈیوسر دلجیت تھنڈ نے بتایا تھا کہ وہ فلم کی شوٹنگ دوبارہ شروع کرنے کے لیے شہناز کے ٹھیک ہونے کا انتظار کر رہے ہیں۔

بھارتی میڈیا کی ایک رپورٹ کے مطابق شہناز گِل کی نئی آنے والی فلم ’حوصلہ رکھ‘ کی ٹیم کی جانب سے یہ اطلاعات سامنے آئی تھیں کہ اداکارہ رواں ماہ کے آخر میں دوبارہ اپنی فلم کی شوٹنگ کا آغاز کریں گی۔

واضح رہے کہ رواں ماہ 2 ستمبر کو دل کا دورہ پڑنے کی وجہ سے بھارتی اداکار سدھارتھ شکلا دُنیا سے رخصت ہوگئے تھے جس کے بعد سے اُن کی گرل فرینڈ شہناز گِل شدید صدمے میں ہیں۔

تازہ ترین