• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی سی بی کی ’ون نیشن، ون پیشن‘ کی پروموشن زور دار طریقے سے شروع

پاکستان کرکٹ بورڈ نے رواں سیزن کے لیے اپنی ٹیگ لائن ’ون نیشن، ون پیشن‘ کی پروموشن کے لیے زور دار طریقے سے مہم شروع کر دی۔

اس مہم کے سلسلے میں پی سی بی ہیڈ کوارٹر قذافی اسٹیڈیم کے اندر اور باہر مرد و خواتین قومی کرکٹرز کی تصاویر لگا دی گئی ہیں۔

قذافی اسٹیڈیم لاہور اب ایک منفرد لک دے رہا ہے اور اس کی وجہ یہ ہے کہ اسٹیڈیم کی مرکزی بیرونی بلڈنگ، پویلینز اور پیٹرنز انکلوژر کے درمیان گراؤنڈ کی طرف جانے والی راہداری کو پاکستان کے دورِ حاضر کے کامیاب مرد و خواتین کی بڑی بڑی تصاویر سے سجا دیا گیا ہے۔

یہ سجاوٹ اب اس ٹیگ لائن کا حصہ ہے جو چند ماہ قبل پاکستان کرکٹ بورڈ نے متعارف کرائی اور وہ ہے ’ون نیشن، ون پیشن‘۔

کرکٹ پاکستان کا مقبول ترین کھیل ہے اور پوری قوم اس کھیل میں اپنے غیر معمولی جذبے کا اظہار کرتی ہے۔

اسی کی بنیاد پر ’ون نیشن، ون پیشن‘ کو پروموٹ کر کے کھیل کو مزید مقبول بنانے اور کھلاڑیوں کو مزید متحرک رکھنے کی کوشش کی جا رہی ہے۔

پاکستانی پرچم کا خوبصورت رنگ سبز ان تصاویر اور ان کے بیک گراؤنڈ میں نمایاں ہے۔

دوسری جانب قذافی اسٹیڈیم کا سرسبز گراؤنڈ بھی نیشنل ٹی ٹوئنٹی کپ کے دوسرے مرحلے سے قبل دلکش منظر پیش کر رہا ہے۔

کھیلوں کی خبریں سے مزید