فرمان الہی
نماز کے اوقات
کراچی(اسٹاف رپورٹر)ایف آئی اے امیگریشن کے عملے نےجناح ا نٹرنیشنل ایئرپورٹ پر اٹلی سے کراچی پہنچنے والے دوہرے قتل کے اسلام آباد پولیس کو مطلوب 3ملزمان کو گرفتار کر لیا ، ایف آئی اے حکام کے مطابق ملزم ابرار حسین، شپرہ اقبال اور رزاق ناصر اٹلی سے استنبول کے راستے سے کراچی پہنچے تھےاسٹاپ لسٹ میں ناموں کی موجودگی پر امیگریشن عملےنے تینوں ملزمان کو حراست میں لے لیا ، ملزمان کے خلاف بنی گالہ تھانے اور اسلام آباد صنعتی ایریا تھانے میں مقدمات درج ہیں،ایف آئی اے حکام کے مطابق گرفتارملزمان ارشد اور راشد نامی پراپرٹی ڈیلرز کے قتل میں ملوث ہیں،ایف آئی اے ذرائع کے مطابق وزارت داخلہ نے ملزمان کے نام امیگریشن اسٹاپ لسٹ میں شامل کیے تھے، ایف آئی اے نے ملزمان کو حراست میں لے کر متعلقہ تھانوں کو مطلع کر دیا ہے،ملزمان کو کراچی پہنچنے والی اسلام آباد پولیس ٹیم کے حوالے کیا جائے گا۔
