• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

طوفان ’شاہین‘ تشکیل پا گیا

تازہ ترین
بین الاقوامی خبریں
01 اکتوبر ، 2021


بھارتی ماہرِ موسمیات مہیش پلاوات کا کہنا ہے کہ اکتوبر کا پہلا سمندری طوفان ’شاہین‘ بحیرۂ عرب کے شمال مشرق میں تشکیل پا گیا۔

چوتھا الرٹ جاری: ڈیپ ڈپریشن کراچی سے 160 کلو میٹر دور

محکمۂ موسمیات نے ممکنہ سمندری طوفان کے پیشِ نظر چوتھا الرٹ جاری کر دیا ہے جس کے مطابق بحیرۂ عرب میں موجود ڈپریشن ڈیپ ڈپریشن میں تبدیل ہو چکا ہے۔

جاری کیئے گئے ایک بیان میں بھارتی ماہرِ موسمیات مہیش پلاوات نے کہا ہے کہ سائیکلون ’شاہین‘ شدید سمندری طوفان میں تبدیل ہو سکتا ہے۔

انہوں نے مزید بتایا کہ سمندری طوفان ’شاہین‘ عمان کے ساحل کی جانب بڑھ سکتا ہے۔

کراچی میں سب سے زیادہ بارش کہاں ہوئی؟

محکمۂ موسمیات کی جانب سے ملک کے سب سے بڑے شہر کراچی میں گزشتہ 24 گھنٹوں کے دوران ہونے والی بارش کے اعداد و شمار جاری کیئے گئے ہیں۔

بھارتی ماہرِ موسمیات مہیش پلاوات کا یہ بھی کہنا ہے کہ طوفان ’شاہین‘ کے باعث جنوبی سندھ، جنوبی بلوچستان اور جنوبی ایران میں تیز بارشوں کا امکان ہے۔

تازہ ترین