پاکستان سے کھیلے بغیر جانے والی نیوزی لینڈ کرکٹ ٹیم دوبارہ آنے کو تیار

پاکستان سے کھیلے بغیر گھر جانے والی نیوزی لینڈ کرکٹ ٹیم دوبارہ آنے کے لیے تیار ہوگئی۔

نیوزی لینڈ کرکٹ نے پاکستان کرکٹ بورڈ سے رابطہ کیا ہے، آئندہ ہفتے شیڈول کا اعلان کردیا جائے گا۔

پی سی بی کے چیئرمین رمیز راجہ نے خوش خبری سناتے ہوئے کہا کہ نیوزی لینڈ کو نومبر 2022 میں دورے کی تجویز دے سکتے ہیں۔

انگلش بورڈ کے چیئرمین کا استعفیٰ، رمیز راجا کا شیئر کرنے کے بعد ٹوئٹ ڈیلیٹ

برطانوی میڈیا کا کہنا تھا کہ آئن واٹمور نے اپنی مدت ملازمت پوری ہونے سے قبل ہی عہدے سے استعفیٰ دیا ہے۔

واضح رہے کہ برطانوی میڈیا نے دعویٰ کیا تھا کہ انگلینڈ کرکٹ ٹیم کے دورہ پاکستان کی منسوخی پر دباؤ کے باعث انگلینڈ اینڈ ویلز کرکٹ بورڈ (ای سی بی) کے چیئرمین آئن واٹمور مستعفی ہوگئے۔

برطانوی میڈیا کا کہنا تھا کہ آئن واٹمور نے اپنی مدت ملازمت پوری ہونے سے قبل ہی عہدے سے استعفیٰ دیا اور بتایا گیا کہ ان کے عہدے کی مدت پانچ برس تھی جبکہ وہ اس عہدے پر صرف 10 ماہ ہی فائز رہے۔

برطانوی میڈیا کا کہنا تھا کہ انگلینڈ کرکٹ ٹیم کے دورہ پاکستان کی منسوخی کی وجہ سے آئن واٹمور دباؤ کا شکار تھے۔

آئن واٹمور نے اپنے استعفے کی وجہ بتادی

آئن واٹمور نے کہا کہ بطور چیئرمین توقعات کافی بدل چکی تھی، موجودہ حالات مجھ پر کافی اثر انداز ہوئے ہیں۔

خیال رہے کہ نیوزی لینڈ نے سیکیورٹی وجوہات کو جواز بنا کر یکطرفہ فیصلہ کرتے ہوئے دورہ پاکستان میچ سے چند منٹ قبل ختم کردیا تھا۔

بعدازاں نیوزی لینڈ کے میڈیا نے رپورٹ کیا تھا کہ انہیں پانچ ملکی سیکیورٹی ایجنسی اتحاد "فائیو آئیز" نے تھریٹ الرٹ جاری کیا تھا کہ ٹیم پر حملہ ہوسکتا ہے۔

واضح رہے کہ اس سیکیورٹی اتحاد میں امریکا، انگلینڈ، آسٹریلیا، کینیڈا اور برطانیہ شامل ہیں۔

بعد ازاں انگلینڈ نے بھی دورہ پاکستان منسوخ کرتے ہوئے اس سے دستبرداری کا اعلان کردیا تھا۔

ای سی بی نے دورے کی منسوخی کی وجہ کھلاڑیوں اور اسٹاف کی ذہنی و جسمانی صحت قرار دیا تھا۔

انگلینڈ کے دورہ پاکستان کی منسوخی کے بعد سے انگلش کرکٹ بورڈ اور اس کے چیئرمین آئن واٹمور شدید تنقید کی زد میں تھے۔