لکس اسٹائل ایوارڈز 2021 توقعات سے بڑھ کر شاندار ہوگا: احمد علی بٹ

پاکستان فلم و ٹی وی انڈسٹری کے معروف اداکار و میزبان احمد علی بٹ نے کہا ہے کہ کورونا وائرس کے باوجود بھی رواں سال کے لکس اسٹائل ایوارڈز کی تقریب توقعات سے بڑھ کر شاندار ہوگی۔

جیونیوز سے خصوصی گفتگو کرتے ہوئے احمد علی بٹ نے کہا کہ لکس اسٹائل ایوارڈز شو کے 20ویں ایڈیشن کی تیاریاں جاری ہیں اور ہم پرفارمنس کے لیے بےحد پُرجوش ہیں۔

احمد علی بٹ نے کہا کہ لکس اسٹائل ایوارڈز جوکہ پاکستان کا سب سے بڑا ایوارڈ شو ہے، ہمیشہ اپنے سامعین کو زبردست پرفارمنسس دیتا ہے۔

لکس اسٹائل ایوارڈز: مہوش حیات اسٹیج پر جلوہ گر ہونے کیلئے پُرجوش

پاکستان فلم و ٹی وی انڈسٹری کی معروف اداکارہ و تمغۂ امتیاز مہوش حیات نے کہا ہے کہ وہ لکس اسٹائل ایوارڈز 2021 کی میزبانی کرنے اور دو سال کے طویل عرصے کے بعد اسٹیج پر جلوہ گر ہونے کے لیے بےحد پُرجوش ہیں۔

انہوں نے کہا کہ ہم کورونا ایس او پیز پر عمل کر رہے ہیں اور پابندیوں کے باوجود بھی مجھے لگتا ہے کہ لکس اسٹائل ایوارڈز 2021 کے بہترین شوز میں سے ایک ہوگا جو اب تک منعقد کیا گیا ہے۔

احمد علی بٹ کا مزید کہنا تھا کہ ’وہ اپنے لُکس سے زیادہ شو میں دینے والی اپنی پرفارمنس پر توجہ دیتے ہیں۔‘

لکس اسٹائل ایوارڈز: عاصم اظہر کے مداحوں کیلئے خوشخبری

پاکستان میوزک انڈسٹری کے نوجوان گلوکار عاصم اظہر نے لکس سٹائل ایوارڈز کے ریہرسل اسٹوڈیو سے جیونیوز کے ساتھ بات کرتے ہوئے کہا ہے کہ وہ بہت جلد مداحوں کو خوشخبری سُنانے والے ہیں۔

واضح رہے کہ لکس اسٹائل ایوارڈز 2021 کی تقریب 9 اکتوبر کو کراچی میں منعقد ہونے والی ہے۔