• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میاں نواز شریف سے ن لیگ یورپ کے وفد کی ملاقات

آج کا اخبار
یورپ سے
16 اکتوبر ، 2021
بلیک برن (مظہر چوہدری)مسلم لیگ ن کے قائد میاں محمد نواز شریف سے مسلم لیگ ن یورپ کے وفد کی ملاقات ،پارٹی کی تنظیم سازی کے علاوہ اہم امور پر تبادلہ خیال کیا گیا ۔وفد کی قیادت مسلم لیگ ن یورپ کے کوآرڈینیٹر قمر ریاض خان نے کی جب کہ دیگر میں مسلم لیگ ن اٹلی کے قائم مقام صدر چوہدری عمران، لیاقت عقیقہ اور صدر مسلم لیگ ن بلزانو اٹلی چوہدری مناف احمد شامل تھے ۔اس موقع پر میاں نواز شریف نے کارکنوں سے بات چیت کرتے ہوئے کہا کہ مسلم لیگ ن کے کارکنوں نے بڑی ثابت قدمی کے ساتھ ظلم و جبر کے دور کا سامنا کیا ہے ،جمہوریت کے لیے پارٹی قائدین کے ساتھ ساتھ کارکنوں نے بھی قربانیاں دی ہیں ۔اب جبر و ستم کا دور ختم ہونے کو ہے ۔چوہدری مناف احمد سے گفتگو کرتے ہوئے انھوں نے کہا کہ ضلع جہلم شیروں کا ضلع ہے ،مسلم لیگ ن کا گڑھ ہے ،ہر دور میں ضلع جہلم کی عوام نے ہم پر اعتماد کیا تھا جس کی میں قدر کرتا ہوں۔ 
تازہ ترین