• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میری تصاویر پر منفی تبصرے سے گریز کریں: غنا علی

پاکستان شوبز انڈسٹری کی معروف اداکارہ غنا علی نے ناقدین کو اُن پر منفی تبصرے کرنے سے روک دیا۔

فوٹو اینڈ ویڈیو شیئرنگ ایپ انسٹاگرام پر غنا علی نے اپنی کچھ نئی تصاویر شیئر کی ہیں جن میں وہ بےحد خوش نظر آرہی ہیں۔


غنا علی نے اپنی پوسٹ کے کیپشن میں لکھا کہ ’اس سے کوئی فرق نہیں پڑتا ہے کہ میرا دن کتنا ہی بُرا گُزرا ہو، میں صرف ایک کِک سے ساری پریشانی بھول جاتی ہیں اور میرا دن خوشگوار بن جاتا ہے۔‘

اداکارہ نے اپنے ناقدین سے مخاطب ہوتے ہوئے لکھا کہ وہ تمام لوگ، جنہیں میری ان تصاویر سے مسئلہ ہے وہ اپنی نفرت بھری توانائی کو کسی ایسی چیز پر ضائع نہ کریں جس سے آپ کو کوئی سروکار نہیں۔

اُنہوں نے مزید کہا کہ ’یہ میری تصویر ہے اور یہ میرا پوز ہے، براہ مہربانی! اپنے آپ کو منفی تبصرے پوسٹ کرنے سے پریشان نہ کریں کیونکہ مجھے ان سے کوئی فرق نہیں پڑے گا۔‘

غنا علی کی جانب سے روکنے کے باوجود بھی ناقدین اُن کی پوسٹ پر منفی تبصرے کرنے سے باز نہیں آرہے ہیں۔

انٹرٹینمنٹ سے مزید