بہت ہی دل گرفتگی سے کہنا پڑ رہا ہے کہ ملک میں محض وہ مسائل نہیں ہیں جو میڈیا کے ذریعے ہم تک پہنچتے ہیں بلکہ اور بہت سے مسائل ایسے ہیں جو ہماری جڑوں کو کھوکھلا کر رہے ہیں۔ امن و امان کی خراب صورتحال کیساتھ ساتھ بیروزگاری کا مسئلہ بھی اپنی جگہ پر بہت اہم ہے کیونکہ مناسب روزگار نہ ہونے کی وجہ سے نوجوان بے راہ روی اور غلط سوسائٹی کا شکار ہو رہے ہیں اور اپنی ضروریات زندگی کو پورا کرنے کے لئے حلال و حرام کی تمیز کئے بغیر غیرقانونی دھندوں اور جرائم میں ملوث ہو رہے ہیں۔ جو نوکریاں آتی ہیں اُن پر میرٹ کی پامالی کرتے ہوئے سفارشی افراد کو رکھ لیا جاتا ہے۔ روزگار کے نامناسب مواقع جہاں ہماری نوجوان نسل کو گمراہ کر رہے ہیں وہیں پر ملک میں غربت کے اضافے کا بھی سبب بن رہے ہیں۔ حکومت کو چاہئے کہ مظلوم عوام کے حقیقی مسائل بھی سنے اور اُن کے حل کی طرف توجہ دے۔(یمنیٰ اختر )
youmnakhtar611@gmail.com
فرمان الہی
نماز کے اوقات
